Супрацоўнікі Кастрычніцкага РАУС Віцебска звярнуліся ў суд з просьбай зрабіць рэжым прэвентыўнага нагляду для былога палітвязня Міхаіла Жамчужнага больш жорсткім, бо, на іх думку, Жамчужны «не стаў на шлях выпраўлення» – парушыў правілы дарожнага руху на ровары.
Суд Кастрычніцкага раёна палічыў патрабаванні міліцыянтаў неабгрунтаванымі, бо парушэнне правілаў руху не зʼяўляецца парушэннем правілаў прэвентыўнага нагляду. А абавязак былога палітвязня зʼяўляцца два разы на месяц для рэгістрацыі ў міліцыю зʼяўляецца дастатковым.
Для Беларускай службы Польскага радыё Святаслаў Бруйко, Віцебск